VOV4.Jarai - Mơguah lơ 30/8, ƀơi Hà Nội, Khua mir sir ơi Nguyễn Xuân Phúc nao Jơnum tal XI khul ia jrao kyâo bơrơkal mriah Việt Nam. Amăng mông jơnum, Khul ia jrao kyâo bơrơkal mriah Việt Namtŭ ư pơpŭ Khua mir sir Nguyễn Xuân Phúc lĕ Khua git gai mơng Khul ia jrao kyâo bơrơkal mriah Việt Nam.

Khua mir sir ơi Nguyễn Xuân Phúc phĭn rup hăng ƀing apăn bruă amăng Khul ia jrao kyâo bơrơkal mriah Việt Nam rơwang thun mă bruă 2022-2027

Đĭ pơhiăp amăng mông jơnum, Khua mir sir ơi Nguyễn Xuân Phúc pơpŭ bơni, lăng yôm khul ia jrao kyâo bơrơkal mriah Việt Nam hơmâo ngă tui tơlơi gơgrong phun amăng bruă djru ană mơnuih, pơlir hơbit hơdôm rơbăn čô mơnuih gum djru kiăng kơ lar hyu pran khăp pap, mơng anun hơmâo dong hơdôm klăk bruă gum djru. Lăi nao hơdôm tơlơi lông hăng dêh čar pơ anăp anai, Khua mir sir ơi Nguyễn Xuân Phúc brơi thâo, tơlơi anai kiăng gum tơngan hrŏm, khăp pap tơdruă mơng abih bang mơnuih, laih dong kiăng pơplih boh tơhnal, bruă mă sit nik mơng Khul ia jrao kyâo bơrơkal mriah Việt Nam.

Siu Đoan: Pơblang