VOV4.Jarai - Ƀrô hrơi ngă lơphet 77 thun Hrơi gru grua tơhan Kông an mơnuih ƀon sang (19/8), tom brơi lơ 18/8, Khua mir sir ơi Nguyễn Xuân Phúc, Khua git gai abih bang tơhan blah ngă mơnuih ƀon sang, Khua Khul Ling tơhan pơgang hăng wai lăng rơnuk rơnua lŏn ia hơmâo nao čuă, ngă bruă tom Anom bruă wai lăng rơnuk rơnua bơwih ƀong huă (Ding jum kông an). Pơ ala kơ Ping gah, Kơnuk kơna, Khua mir sir ơi Nguyễn Xuân Phúc mơit kơ abih bang khua tơhan, si kuan, ling tơhan kông an lăi hrŏm, tơhan wai lăng tơlơi rơnuk rơnua bơwih ƀong huă lăi hơjăn hơdôm tơlơi kiăng khăp, tơlơi hơ-ơč hiam klă hloh ƀrô hrơi hơdor glăi 77 thun Hrơi gru grua tơhan Kông an mơnuih ƀon sang.

Khua mir sir bơni kơ tơhan wai lăng rơnuk rơnua hơmâo ƀuh tañ, pơsir hĭ klă hơdôm bruă aka ƀu djơ̆ amăng hrơi blan mut hrŏm bơwih ƀong hăng jar kmar, djă bong tơlơi rơngai, gơgrong mă pô, djru kah đuăi hĭ tơlơi pơhŭi gah rơnuk rơnua dêh čar, pơgang ba jơlan hơdră đĭ kyar bơwih ƀong huă amăng hơdôm bruă mă yơyôm.

Siu H’Mai: Pơblang