VOV4.Jarai - Mơguah lơ 19/5, ƀơi sang bruă Ding jum ling tơhan, Khua mir sir ơi Nguyễn Xuân Phúc pơhmư̆ mông Jao pri Hồ Chí Minh kơ boh thâo ia rơgơi măi mok ling tơhan, pơgang lŏn ia. Pơ ala kơ khua mua Ping gah, Kơnuk kơna, Khua mir sir ơi Nguyễn Xuân Phúc brơi Hră pơsit pri kơ ƀing rơgơi kơsem min boh thâo hơmâo anăn mă pri. Khua mir sir ơi Nguyễn Xuân Phúc lăi, dua ring bruă gah ling tơhan mơng 49 čô mơnuih rơgơi kơhnâo gum ngă hơmâo brơi Pri Hồ Chí Minh tal anai yôm biă mă, jing boh than mơng bruă gir kơsem min, pơčeh phrâo mơng ƀing kơhnâo boh thâo gah bruă tơhan.

Dua ring bruă gah bruă tơhan mơng Grup Boh thâo măi mok - Dăng kông ling tơhan hơmâo grup apăn bruă boh thâo mơng Anom bơwih ƀong anai hăng lu ƀing khua thun hlăk ai hơmâo hrăm bruă rơgơi gum ngă, wơ̆t hăng tơlơi lăng ba kơjăp, klă mơng Ping gah Ling tơhan Dêh čar, Ding jum ling tơhan, tơlơi gum djru mơng hơdôm anom bruă amăng khul tơhan.

Siu H’Mai: Pơblang