VOV4.Jarai - Tlam lơ 13/4, ƀơi san g bruă Khua mir sir, Khua mir sir Nguyễn Xuân Phúc tŭ jum Khua anih jư pơ ala dêh car Cộng hòa Arab Êjip, yă Amal Abdel Kader Elmorsi Salama pơdah hră mơ-it mơng kơnuk kơna. Ƀơi mông tŭ jum, Khua mir sir pơsit dêh čar Việt Nam lăng yôm biă tơlơi rô nao rai klă hiam mơng đưm hlâo hăng Êjip, lăng Êjip kah hăng gŏp ngă hrŏm yôm phun mơng Việt Nam ƀơi kual Ơi Jŭ. Vịêt Nam lăng yôm biă tơlơi gơgrong bruă, tơlơi hmư̆ hing mơng Êjip ƀơi kual Ơi Jŭ hăng ƀơi rŏng lŏn tơnah. Brơi thâo, mơnuih ƀon sang Êjip lêng lăng yôm kơ gru grua hiam ăt kah hăng thun blan rơnuk đưm hlâo mơng Việt Nam, Khua anih jưh pơ ala Êjip čang rơmang dua bơnah hơmâo lu hơdră pơtrut tui hloh dong amăng bruă anai, biă ñu lơ̆m Êjip ăt hơmâo gru grua boh thâo đưm hrup hăng Việt Nam mơn.

Siu H’Mai: Pơblang