VOV4.Jarai-Tlam lơ 17/6, ƀơi anom bruă mir sir, Khua mir sir ơi Nguyễn Xuân Phúc tŭ jum yă Khemmani Pholsena, ding kơna ping gah dêh čar, Khua ding jum, anom bruă mir sir dêh čar Lao. Khua mir sir bơni hăng lăng yôm boh tơhnal mơ̆ mơnuih ƀôn sang dêh čar Lao adơi ayong dưi ngă thun blan rơgao.

Mông jơnum tŭ jum

Tui hăng khua mir sir ơi Nguyễn Xuân Phúc, dua boh anom bruă mir sir kiăng kơtưn ngă hrom, kah pơpha tơlơi thâo thăi hăng lu boh yôm phun bruă mă, tŭ yua, rơđah rơđong pơđĭ tui lu bruă, lăi pơthâo kơ Khua mir sir, kơ-iăng khua mir sir kiăng hơmâo hơdră ngă tui klă hloh jơlan hơdră, tơlơi pơtrun mơ̆ng ping gah, kơnuk kơna dua bơnah. Dua bơnah anom bruă mir sir pơtrut mă yua boh thâo ia rơgơi kiăng ngă klă bruă lăi pơthâo hăng tơlơi pơhing amăng bruă mă lơ̆m anom khua mir sir, kơ-iăng khua mir sir, đah mơ̆ng klă bruă tŭ jum tuai, bơwih brơi ƀong huă čơkă tuai khua mua apăk akŏ djop dêh čar bơ čuă jơmư trư găn nao rai.

Nay Jek: Pơblang