Ƀơi mông bưp, dua čô khua lăi, bruă kơtưn pơtruh brơi dua boh dêh čar Việt Nam hăng Nigieria yôm biă mă, kiăng djơ̆ anŏ hơmâo hăng tơlơi gêh găl prong mơ̆ng rĭm dêh čar, djru amăng bruă pơđĭ kyar pơdrong asah hing ang mơ̆ng dua bơnah. Dua boh dêh čar tŭ ư pơtrut ngă hrom sĭ mơdrô, kơnang kơ bruă pơphun hơduah ĕp bruă mă, pơsir bruă mă kiăng dưi nao giăm anih anom sĭ mơdrô tơdruă, ĕp anŏ gêh găl hrom, hăng Việt Nam hơmâo gơnam sĭ mơdrô lu mơnong akan hơdang, boh čroh đang hmua, gơnam yua pơkŏn hăng dêh čar Nigieria lĕ hơmâo asar boh ñông, kyâo pơtâo laih anun gơnam pơkra hăng kyâo, ayuh gaih ia jâo.

Dua bơnah pơdah rai pran jua kiăng biă mă ngă hrom tuh pơ alin, djru kơ sang bruă sĭ mơdrô dua bơnah ĕp lăng tơlơi gêh găl hăng pok pơhai bruă mă mơ̆ng gơnam dua bơnah hơmâo lu kah hăng hyu ĕp, mă yua laih anun ba sĭ mơdrô ayuh gaih ia jâo, boh thâo ia rơgơi tơlơi pơhing....