Hmư̆ tui tơlơi jak iâo mơ̆ng Khua mir sir dêh čar ta ơi Tô Lâm, Khua mir sir dêh čar Ngŏ Timor José Ramos-Horta hmâo nao laih pơ̆ plơi prong jưh jom Hà Nội, pơphun rai čuă gưl Kơnuk kơna ƀơi Việt Nam mơ̆ng lơ 31/7 truh lơ 3/8/2024. Mơguah lơ 1/8, ƀơi anih mă bruă Khua mir sir, Khua mir sir ơi Tôm Lâm hmâo git gai mông ngă Lơphet čơkă sit nik Khua mir sir dêh čar Ngŏ Timor rai čuă gưl Kơnuk kơna ƀơi Việt Nam.

Tal rai čuă anai hmâo bôh tŭ yua yôm phăn biă djru ngă kơjăp tui pran đăo kơnang gah kơđi čar, hrŏm hăng anun jing tal pioh dua bơnah lăi pơthâo nao rai dong hơdôm bruă pơtrut gum hrŏm, ngă dơlăm dong tơlơi rô nao rai dua bơnah, mơ̆ng anun ngă kơjăp tui tơlơi giăng mah mơ̆ng hlâo hmâo bư̆ bôr đĭ amăng hơdôm hrơi rơgao. Tơdơi kơ ngă Lơphet čơkă, dua khua mir sir ba jơlan hlâo Grŭp gưl dlông dua bôh dêh čar pơphun bơkơtuai, pơsit bôh tơhnal gum hrŏm kơplah wah dua bôh dêh čar hơdôm hrơi rơgao hăng ba tơbiă hơdôm jơlan gah gum hrŏm pơ̆ anăp anai. Dua gơñu hmâo lăng hmư̆ laih mông ngă lơphet kĭ pơkôl hăng pơplih nao rai hơdôm mơta hră pơ-ar gum hrŏm kơplah wah dua bôh dêh čar./.