Pơhiăp ƀơi mông ngă lơphet, pơ ala kơ khua mua Ping gah, Kơnuk kơna, Khua mir sir ơi Tô Lâm mơ-it kơ djŏp rơnuk čih hră pơhing, mơnuih čih hră pơhing amăng dêh čar wơ̆t hăng čar rơngiao tơlơi pơpŭ bơni, khăp ƀu-eng prong prin, tơña bla, bơni hơ-ơč kơ 122 čô mơnuih, grup čih hră pơhing hơmâo mă Pri Hră pơhing phrâo dêh čar tal 18 - pri yôm hloh mơ̆ng Khul čih tơlơi pơhing phrâo brơi kơ hơdôm tơlơi čih, tơlơi pơhing, pơpŭ kơ ƀing čih tơlơi pơhing rơgơi hloh thun 2023.

Khua mir sir kiăng pơƀut akŏ pơjing mơnuih čih tơlơi pơhing sit nik jing čih pơhing gah gru grua boh thâo, tơlơi pơmin kơjăp, hơmâo pran jua hiam, tơpă, čih djơ̆, ƀrô kơjăp bruă kơđi čar, ƀrô apăn bruă. Khua mir sir ăt kiăng hră pơhing pơtrut tui mă yua boh thâo mrô hăng pơčeh phrâo hloh dong; pôr pơhing bruă hơkrŭ jing tơlơi pơhing hơmâo amăng glông pôr mrô. Pơplông mă pri hră pơhing dêh čar tal anai, Khul čih tơlơi pơhing mơ̆ng Gong phun pơtui jua pơhiăp Việt Nam mă 2 pri A hăng 1 pri C.