Pơhiăp ƀơi mông jơnum, Khua mir sir ơi Tô Lâm lăi pơtong, amăng bruă mă pơkơdong glăi hăng tơlơi soh sat ƀong kông ngăn, anom bruă ĕp kơđ mơnuih ƀôn sang prăp lui bruă mă kơtang khut khăt hloh, mut hrŏm hăng djop sang bruă, kiăng pơjing rai bruă mă hur har kơtang tañ ƀuh hăng pơsir tơlơi soh ƀong kông ngăn, boh nik ñu hơdôm kơđi tơlơi ngă soh ƀong kông ngăn amăng tơlơi bơwih ƀong huă, ngă soh pơđĭ bruă khua mua, tơnap tap, gah Khul git gai mơ̆ng gơnong dlông kơ bruă pơhlôm, pơgăn tơlơi soh ƀong kông ngă, dŏ krăo lăng, git gai pơčrâo bruă pơsir lu kơđi tơlơi soh tơnap tap, prong hăng gleh glar aka ƀu hơmâo djơ̆ ôh; kiăng pơsir khut khăt tong ten djơ̆ mơnuih ngă soh, laih anun pơgang ba tơlơi tơpă, bruă ngă hiam, pơtrut pơsur brơi pơhaih mă pô.

Lăi pơtong, tơlơi gơgrong ba hăng djru hrŏm mơ̆ng anom bruă ĕp kơđi, tơgŭ kơđi mơnuih ƀôn sang amăng bruă man pơdong hăng pơđĭ kyar, Khua mir sir đăo kơnang, pơ anăp anai, anom bruă ĕp kơđi mơnuih ƀôn sang amra hơmâo bruă mă sa yak kơtang hloh pơđĭ kyar lu tui, hlom bom hăng kjăp kơtang, djru hrŏm yôm biă mă kiăng ngă tui tŭ yua Hră pơtrun jơnum ruah khua ping gah dêh čar tal XIII, ngă tui tơhnal pơkă pơblih phrâo tơlơi phiăn hăng čih pơkra ngă pơgiong Kơnuk kơna git gai djơ̆ tơlơi phiăn mơnuih mơnam bơkơnar ngă pô ƀơi Việt Nam amăng rơnuk phrâo.