Đĭ pơhiăp amăng mông mă bruă, Khua mir sir ơi Tô Lâm lăng yôm hăng pơpŭ bơni hơdôm tơlơi dưi prong prin mơng djop rơnuk mơnuih apăn bruă, ling tơhan amăng anom bruă tơhan wai pơgang hăng rơhuông adai-tơhan rơdêh por amăng hơdôm hơpluh thun rơgao. Khua mir sir lăi pơtong, tơhan wai pơgang hăng rơhuông adai-tơhan rơdêh por lĕ ling tơhan yua boh thâo pơlir hăng pơđĭ kyar bơwih ƀong huă-mơnuih mơnam amăng lŏn ia.

Yua anun ling tơhan kiăng git gai hăng gum hrŏm ling tơhan pơkŏn kơsem min boh thâo măi mok anăp nao bruă wai lăng kjăp rơhuông adai lŏn ia ta. Khua mir sir čang rơmang hăng gru grua hing ang mơng ling tơhan Việt Nam, tơhan wai pơgang rơhuông adai-tơhan rơdêh por amra pơgiong djop mơta bruă jao amăng rơnuk phrâo, hơmâo lu tơlơi truh kih dong, djơ̆ hăng tơlơi đăo gơnang mơng Ping gah, Kơnuk kơna hăng mơnuih ƀôn sang.