Nao bơni hơ-ơč pơpŭ kơ ƀing tha rơma  čih tơlơi pơhing rơgơi ƀrô Hrơi hră pơhing phrâo hơkrŭ Việt Nam, Khua mir sir lăi pơtong, hơdôm rơnuk ƀing čih tơlơi pơhing phrâo hơdor na nao laih anun pơpŭ kơ ƀing anong wa tha rơma nao hlâo čih tơlơi pơhing kjăp rơgơi kơhnâo, hơmâo pơgôp pran jua prong prin kơ bruă mă čih tơlơi pơhing phrâo hơkrŭ Việt Nam.

Khua mir sir čang rơmang ƀing čih tơlơi pơhing tha rơma laih ăt hiam drơi jăn pran jua, tơlơi pơmin beč bal, djru pran jua lu hloh dơ̆ng kơ bruă čih tơlơi pơhing hơkrŭ lŏn ia Việt Nam, pioh kơ ƀing čih tơlơi pơhing phrâo rơnuk tơdơi hrăm tui, gir run hloh hrưn đĭ amăng bruă mă. Ƀing mơnuih čih tơlơi pơhing phrâo dlưh pran jua hok mơak dưi hơmâo khua mir sir nao čuă tơña bla; laih anun lăi mơak mơ̆n ƀuh lŏn ia ta pơđĭ kyar kơtang, hing ang hloh. Ƀing čih tơlơi pơhing phrâo ăt lăi, amra gir run hloh pơgôp pran jua kơ bruă čih tơlơi pơhing hơkrŭ, gum hrŏm rơnuk anai ƀing hlăk ai mă bruă hur har pơtrut hrŏm bruă pơđĭ kyar ƀơi lŏn ia ta.