Tal nao čuă jơmư anai kiăng lăi pơtong, jơlan hơdră sa hnong mơ̆ng Việt Nam pioh kơ tơlơi đing nao hlâo hloh,  ngă giăng mah mơak klă prong prin, gum pơgôp yôm phara biă mă hăng ngă hrŏm djop mơta plah wah Việt Nam-Lao. Bruă khua mir sir ơi Tô Lâm nao čuă dêh čar Lao amăng tal nao čuă dêh čar tač rơngiao blung a lơ̆m đĭ ngă khua phrâo, hơmâo pơtong rơđah, jơlan hơdră yôm mơ̆ng Việt Nam pioh kơ bruă ngă giăng mah hiam mơak prong prin, gum pơgôp phara hăng ngă hrŏm hlom bom plah wah Việt Nam-Lao.

Laih dơ̆ng, tal nao čuă jơmư anai kiăng lăi  pơtong, tơlơi dong yua kơtang mơ̆ng Việt Nam hăng bruă mă pơblih phrâo, pơgang hăng man pơdong lŏn ia Lao; pơjing rai sa bruă mă lăp hơdor pioh phrâo amăng bruă ngă giăng mah dua bơnah dêh čar.