Tal bưp anai, ƀrô djơ̆ mông ƀing pơ ala nao jơnum Hơdră pơpŭ kơ ƀing ba gru hlâo yua Ding jum kông an pơphun hăng ngă tui Blan pơhlôm, pơgăn ma túy blan 6/2023. Pơhiăp amăng mông jơnum, Khua mir sir bơni tơlơi gir run, boh tơhnal ngă bruă tŭ yua mơ̆ng djop khul grup ling tơhan hơmâo ngă thun blan rơgao, boh nik ñu 140 khul grup, mơnuih hur har, mơnuih ƀôn sang djru hrom bruă pơgăn tơlơi soh sat ma túy, Khua mir sir lăi lĕ, anai jing hơdôm gru hiam ba jơlan hlâo, asar pơjeh phun djru hrom amăng bruă pơhlôm, pơgăn tơlơi soh sat ma túy.

Khua mir sir ăt čang rơmang jai hrơi hơmâo lu mơnuih ngă hrom tơhan kơnuk kơna djop anom bruă kiăng akŏ pơdong sa kơnuk kơna hiam klă huăi hơmâo ma túy, ba tơlơi hok mơak kơ lu mơnuih jrôk jơlan pơwơ̆t glăi hăng plơi pla mơnuih mơnam.