Amăng mông bưp, Khua mir sir ơi Võ Văn Thưởng lăi pơtong, Ping gah hăng kơnuk kơna Việt Nam lêng kơ ngă gêh gal brơi hơdôm tơlơi đăo dưi pơphun, pơđĭ kyar tui tơlơi pơkă amăng tơlơi phiăn, amăng anun hơmâo tơlơi phiăn gah tơlơi đăo hăng tŏ tui pơgiong črăn tơlơi phiăn brơi kơ hơdôm bruă mă  tui tơlơi đăo brơi mơnuih ƀon sang hăng hơdôm khul đăo.

Khua mir sir ơi Võ Văn Thưởng pơdah tơlơi čang rơmang Khua dêh čar, ama prong Parolin tŏ tui đing nao mơnuih tui đăo ƀơi Việt Nam. Khua dêh čar, ama prong Parolin lăng yôm hơdôm tơlơi dưi mơ̆ Việt Nam hơmâo ngă amăng pơhlôm brơi mơnuih tui đăo, amăng anun hơmâo đăo khŏp. Khua dêh čar Vatican tŭ yap hơdôm tơlơi dưi mơng Việt Nam kơ hơdôm tơlơi pơgôp amăng Khul đăo khŏp Việt Nam, sit biă ñu amăng bruă gum djru, pơtô pơjuăt, ia jrao, pơtô bruă mă. Khua dêh čar Vatican hok mơ-ak hăng tơlơi gơgrong mơng grup dum djru kơplah wah Việt Nam -Vatican kiăng kơtưn thâo hluh hăng đăo gơnang tơdruă.