Khua mir sir hơmâo nao čuă hăng hiăp bit tom ƀing apăn bruă, mơnuih mă bruă ƀơi Sang anih jưh pơ ala dêh čar Việt Nam, mơnuih ƀon sang glăk hơdip, mă bruă hăng hrăm hră pơ dêh čar Italia. Ră anai hơmâo giăm 5.000 čô mơnuih Việt Nam dŏ hơdip pơ Italia, lêng kơ djơ̆ hăng tơlơi phiăn, hơdip mut hrŏm, pơlir hơbit hăng hơmâo dêh čar arăng lăng yôm.

Khua mir sir ăt čang rơmang mơnuih ƀon sang Việt Nam ƀơi Italia lêng kơ djă pioh gru grua mơng djuai ania ta. Tŏ tui gru grua gum pơgôp, djru tơdruă amăng tơlơi hơdip mơda, ngă tui djơ̆ tơlơi phiăn ƀơi anai. Lăng yôm ƀing mơnuih rơgơi kơhnâo, ƀing bơwih ƀong sĭ mơdrô, khul grup gah rơngiao pioh hrơi mông kơsem min, lăi pơthâo gru grua Việt Nam, Khua mir sir brơi thâo, anai lĕ tơlơi yôm biă mă. Pơ ala Ping gah, Kơnuk kơna, Khua mir sir ơi Võ Văn Thưởng pơpŭ bơni dêh čar Italia lêng kơ jê̆ giăm hăng Việt Nam, hơmâo đing nao, gum djru brơi Việt Nam amăng thun blan laih rơgao.