Mơ-it hiăp pơpŭ hăng bơni hơ-ơč hiam klă hloh kơ khul ơi, nai ia jrao ƀrô hơdor glăi hrơi pioh kơ nai ia jrao Việt Nam, Khua mir sir ơi Võ Văn Thưởng lăi pơtong, anom bruă gah ia jrao lĕ sa bruă mă yôm hing ang biă mă, pơgang, wai lăng pơjrao brơi tơlơi suaih pral mơnuih ƀôn sang laih anun ba brơi kơ djop sang anŏ, mơnuih mơnam hơdôm tơlơi mơak pran jua hiam klă. Khua mir sir čang rơmang ƀing ơi, nai ia jrao sang ia jrao prong pơjrao čơđai muai Nhi đồng 1 pơđĭ tui boh tơhnal dưi ngă thun blan rơgao; laih dơ̆ng gir run hloh, mă bruă kiăng ba glăi boh tŭ yua phrâo yua kơ boh tŭ yua phrâo khom găn rơgao hăng tơlơi lông lăng phrâo mơ̆n, anun kiăng gir hloh kơtưn na nao ƀu pơdơi ôh.

Khua mir sir pơtă pơtăn khua mua ƀôn prong, djop gưl sang bruă đing nao, pơđĭ tui rơnoh prăk blan djru ngă hơđong tơlơi hơdip mơda kơ ƀing ơi ia jrao, nai ia jrao hăng mơnuih mă bruă amăng anom bruă ia jrao; djru pơblih na nao gơnam yua phrâo amăng bruă mă pơjrao duăm ruă; gleng nao kơ bruă pơtô hrăm thim ƀing ơi ia jrao hlăk ai, mơ-it nao hrăm tui tơlơi thâo thăi phrâo mơ̆ng bruă pơjrao duăm ruă ƀơi hơdôm dêh čar pơđĭ kyar pioh pơtrut bruă mă ba glăi boh tŭ yua, gru grua juăt ngă laih mơ̆ng sang ia jrao anai pơ anăp adih.