Mơguah lơ 18/4, Khua mir sir ơi Võ Văn Thưởng jao hră pơsit ruah ơi Phạm Quang Hiệu, Kơ-iăng Khua ding jum pơtom hiăp, Khua jơnum min Kơnuk kơna kơ mơnuih Việt Nam dŏ hơdip pơ tač rơngiao ngă Khua anih jưh pơ ala dêh čar Việt Nam pơ Japan, ngă rah Khua anih jưh pơ dêh čar bul pơtâo Marshall rơwang thun 2023-2026.

Đĭ pơhiăp amăng mông jao hră pơsit, Khua anih jưh Phạm Quang Hiệu ƀuăn rơwang mă bruă, ñu amra gir run pơtrut tơlơi rô nao rai dua bơnah kiăng jai hrơi pơđĭ kyar; kơtưn pơbưp nao rai khua mua, ngă gêh gal djru brơi mơnuih ƀon sang hăng anom bơwih ƀong sĭ mơdrô dua bơnah, pơgôp pơtrut pơtom hiăp, bơwih ƀong, tuh pơ alin man pơkra anih anom, pơđĭ kyar boh thâo phrâo, kơtưn pơplih mrô, pơplih mơtah; pơtrut pơbưp nao rai mơnuih ƀon sang, tơlơi rô nao rai kơplah wah dua bơnah; pơtrut kơsem min, pơphô bruă, pơjing Ping gah, hơkrŭ pran gum pơgôp dua bơnah kiăng pơgiong klă bruă jao.