Amăng mông jơnum tơpă sit, giang mah hăng hur har pran jua, dua čô khua hơmâo lăi pơthâo nao rai tơlơi sit nik mơng dua bơnah, pơlăi nao rai hơdôm jơlan gah ngă hrŏm hăng hơdră pơtrut, ngă dơlăm tui tơlơi rô nao rai giang mah gru grua hăng ngă hrŏm djop mơta kơplah wah Việt Nam hăng Áo.

Khua mir sir ơi Võ Văn Thưởng rơkâo dua bơnah tŏ tui gum hrŏm kjăp, tŭ mă klă hơdôm tơlơi dưi mơng tơlơi pơkôl sĭ mơdrô rơngai Việt Nam-EU (EVFTA); amăng anun hơmâo bruă sem lăng tơlơi gal brơi sĭ mơdrô gơnam yôm hloh mơng rĭm boh dêh čar; dêh čar Áo hơmâo hơdră pơsur, ngă gêh gal brơi anom bơwih ƀong sĭ mơdrô Áo pơtrut tuh pơ alin pơ Việt Nam amăng djop mơta bruă anun lĕ măi mok, gơnam pioh pơkra pơjing rơdêh ôtô, jơlan rơdêh treng, gơnam măi mok gah ia jrao, pơkra jrao…Dua bơnah tŭ ư kơtưn hơdôm bruă ngă hrŏm amăng pơtô pơjuăt, gru grua adôh suang, bơrơguăt drơi jăn, pơtrut pơbưp nao rai mơnuih ƀon sang dua bơnah.

Tơdơi kơ mông jơnum bơkơtuai, Khua mir sir ơi Võ Văn Thưởng hăng Khua mir sir Áo nao lăng mông kĭ hră čih pioh kơplah wah Ding jum pơtom hiăp Việt Nam hăng Áo.