Mơguah lơ 5/7, Khua mir sir ơi Võ Văn Thưởng mă bruă hăng Ding jum kông ang, sang phat kơđi dêh čar, anom bruă pơsir kơđi tơlơi, anom bruă Khua mir sir, anom pơphun bruă hăng Jơnum min phiah phiăn mơng Ƀirô Khua pơ ala mơnuih ƀon sang dêh čar kiăng kơ lăng glăi bruă ngă hră pơ-ar bơdjơ̆ nao kơđi prong hăng bruă pơsir kơđi brơi pơdjai mơnuih ngă soh amăng thun blan laih rơgao. Thun blan laih rơgao, hơdôm anom bruă bơdjơ̆ nao mơng gơnong glông truh ƀon lan hơmâo gum hrŏm kjăp, sem lăng, pơsir bruă ngă hră pơ-ar ƀing ngă soh, wai lăng amăng sang mơnă hăng pơsir kơđi brơi pơdjai mơnuih ngă soh djơ̆ hăng tơlơi pơkă amăng tơlơi phiăn.

Samơ̆, bruă anai ăt dŏ aka ƀu klă, aka ƀu djơ̆ hăng tơlơi rơkâo sit nik ră anai. Khua mir sir ơi Võ Văn Thưởng rơkâo, pơ anăp anai, hơdôm anom bruă kiăng tŏ ngă tui djop, khut khăt amăng bruă jao, tui tơlơi gơgrong mơng ƀing gơñu djơ̆ hăng tơlơi pơkă amăng tơlơi phiăn; pơpha tong ten bruă mă mơng rĭm anom bruă; kơtưn gum hrŏm; pơphun pel ĕp glăi na nao, ngă tui tŭ yua, pơhlôm djơ̆ hăng tơlơi phiăn hơmâo pơplih pơkra. Khua mir sir rơkâo, hơdôm anom bruă kiăng kơsem min, rơkâo čih pơkra, pơhrua hơdôm tơlơi pơkă djơ̆ tơlơi phiăn tui ră anai amăng pơsir kơđi brơi pơdjai mơnuih ngă soh djơ̆ tơlơi rơkâo sit nik, lăi pơthâo anom bruă bơdjơ̆ nao sem lăng hăng hơmâo tơlơi pơsit.