Anai lĕ tal blung a, Khua mir sir ơi Võ Văn Thưởng nao čuă Khul khua wai lăng đăo khŏp Việt Nam lơ̆m ñu ngă Khua mir sir. Tơlơi lăi pơthâo kơ bruă nao čuă Sang bruă Khua khŏp Vatican, Khua mir sir brơi thâo bưp Khua khŏp Ama prong Francis, ngă bruă hăng Khua dêh čar Vatican - Pô pơ ala kơ Vatican Pietro Parolin, hơmâo abih bang mơnuih đăo khŏp lăp đing nao biă. Mông bưp kơplah wah Khua mir sir ơi Võ Văn Thưởng hăng Khua khŏp Francis sui hloh kơ mông pơkă hlâo.

Khua khŏp tŭ ư mơ-it tơlơi pôr pơthâo, pơtă pơtăn hăng mơnuih ƀôn sang đăo khŏp Việt Nam. Khua wai lăng khul đăo Khŏp Nguyễn Năng pơsit, mơnuih ƀôn sang tui đăo hơdip hiam, thâo pap kơ mơnuih mơnam, kiăo tui tơlơi jak iâu mơ̆ng Khul đăo, Ama prong, abih pran jua djru ba mơnuih ƀôn sang, djru lŏn ia; Khul đăo khŏp ăt čang rơmang gum djru bruă pơtô hrăm, ia jrao, bơwih ƀong, gum djru hloh dong kơ mơnuih ƀôn sang.