Khua mir sir ơi Võ Văn Thưởng bơni hơ-ơč kơ yă Oh Youngji hơmâo gơgrong ngă bruă phrâo; đăo gơnang hăng čang rơmang yă Oh Youngji amra dong yua hăng pơtrut tui tơlơi ngă hrŏm kơjăp hloh amăng abih bang bruă kơplah wah Việt Nam hăng Hàn Quốc amăng hrơi blan pơ anăp. Khua mir sir dêh čar ta bơni biă kơ yă Oh Youngji hơmâo ngă truh kih bruă ƀơi Việt Nam, hơmâo gum pơgôp prong pơtrut tui tơlơi rô nao rai dua bơnah, biă ñu lĕ gum hrŏm pơphun dua tơlơi jơnum: Khua mir sir dêh čar Việt Nam nao čuă dêh čar Hàn Quốc amăng rơnuč thun 2022 hăng tal rai čuă gưl Kơnuk kơna pơ dêh čar Việt Nam mơ̆ng Khua mir sir dêh čar Hàn Quốc phrâo anai, ƀơi mông bưp, Khua anih jưh pơ ala dêh čar Hàn Quốc yă Oh Youngji lăi glăi tơlơi jak iâu mơ̆ng Khua mir sir ơi Yoon Suk Yeol amăng hrơi bơbưp ƀơi Hà Nội, iâu Khua mir sir ơi Võ Văn Thưởng hăng Bơnai ñu tañ nao čuă dêh čar Hàn Quốc. Khua mir sir dêh čar ta hok mơ-ak tŭ ư, laih anun brơi thâo, tal nao čuă amra pơphun amăng hrơi blan lăp djơ̆.