Khua anih jưh Antonio Alessandro pơpŭ bơni hơdôm anom bruă bơdjơ̆ nao ƀơi Việt Nam hơmâo gum hrŏm kiăng Sang anih jưh dưi pơgiong bruă mă, pơgôp pơtrut tơlơi rô nao rai dua bơnah. Khua mir sir ơi Võ Văn Thưởng brơi thâo hơdôm tơlơi dưi amăng tơlơi rô nao rai giang mah, ngă hrŏm kơplah wah Việt Nam - Italia hơmâo ngă rơđah tui hăng pơsit tong lu wŏt amăng hơdôm mông jơnum pơƀut, pơbưp nao rai khua mua dua bơnah amăng hơdôm tal nao čuă phrâo anai.

Khua mir sir brơi thâo mah rai mă bruă pơ Việt Nam amăng thun blan tơnap tap yua klin Covid-19, samơ̆ hăng tơlơi gir run mơng Khua anih jưh, hơmâo pơgôp amăng tơlơi rô nao rai ngă hrŏm, pơlir hơbit dua bơnah, gum hrŏm găn rơgao tơnap tap hăng tŏ tui hơdôm boh than hiam klă. Mơng thun blan tơnap tap, Việt Nam hăng Italia jai pơsit tong tơlơi đăo gơnang tơdruă.