Pơ ala kơ hơdôm khua anih jưh pơ ala djop dêh čar ASEAN, Khua anih jưh pơ ala dêh čar Indonesia, lŏn ia ngă khua ASEAN thun 2023, hơmâo mơ-it hiăp tơña bla bơni hơ-ơč mơ̆ng khua mua dêh čar Indonesia hăng hơdôm dêh čar kual ASEAN truh hăng ơi Võ Văn Thưởng Khua mir sir dêh čar Việt Nam. Khua anih jưh lăi, amăng 28 thun rơgao, Việt Nam hơmâo gơgrong hrom yôm biă mă amăng bruă kơtưn gum pơgôp hăng ngă gong jơlan phun kual ASEAN ăt kah hăng amăng bruă akŏ pơdong lăng nao pơ anăp kual ASEAN truh thun 2025.

Rơnoh pơđĭ kyar GDP thun 2022 mơ̆ng Việt Nam đĭ truh 8,02% ngă anŏ gêh găl pran kơtang pơtrut tui pơđĭ kyar amăng kual. Khua anih jưh pơ ala dêh čar Indonesia, pơ ala kơ ƀing khua anih jưh pơ ala dêh čar pơkŏn amăng kual ASEAN, ƀuăn amra dong yua, djru hrom tŭ yua hloh, pơtrut bruă ngă giăng mah mơak kơplah wah Việt Nam hăng hơdôm dêh čar ASEAN; laih dơ̆ng, pơdah pran jua đăo kơnang, yua tơlơi git gai mơ̆ng Khua mir sir, tơlơi rô nao rai mơ̆ng Việt Nam hăng hơdôm dêh čar amăng kual ASEAN amra jai hrơi kjăp hăng pơđĭ kyar hmar hloh, prong tui djru hrom yôm pơgang tơlơi rơnuk rơnua, hơđong amăng kual.