Khua mir sir bơni hơ-ơč Khua anih jưh pơ ala hơmâo ngă giong bruă jao tŭ yua biă mă amăng rơwang mă bruă ƀơi Việt Nam, djru hrŏm ngă dơlăm tui tơlơi giăng mah hăng ngă hrŏm hlom bom kơplah wah Việt Nam hăng EU. Khua mir sir đăo kơnang, amăng bruă mă phrâo, Khua anih jưh pơ ala amra djru hrŏm dơ̆ng mơ̆n pơtrut ngă giăng mah pŭ ƀăn hiam mơak kơplah wah Việt Nam hăng EU.

Khua mir sir lăng yôm Khua anih jưh pơ ala EU amăng bruă mă hơdôm thun rơgao, hơmâo lu tơlơi pơgôp hrŏm bruă ngă giăng mah Việt Nam-EU; boh nik ñu dua bơnah hơmâo kĭ pơkôl hră EVFTA hăng pơtrut kual EU tañ pơsit brơi hră pơkôl EVIPA. Khua mir sir ơi Võ Văn Thưởng hơ̆k mơak brơi thâo, amăng tal bưp nao rai phrâo anai, ƀing khua mua brơi thâo, hơdôm sang bruă sĭ mơdrô mơ̆ng EU lăng yôm mơ̆n anih anom sĭ mơdrô tuh pơ alin mơ̆ng Việt Nam hăng Việt Nam ăt hlăk gir run pơblih klă hloh amăng bruă anai.