Lăng yôm hăng hok mơ-ak čơkă Khua dêh čar Malaysia tal blung a rai čuă sit nik dêh čar Việt Nam lơ̆m ñu đĭ ngă Khua dêh čar, Khua mir sir lăi pơtong tal rai čuă amra pơtrut phrâo amăng tơlơi rô nao rai ngă hrŏm kơplah wah dua boh dêh čar. Pơpŭ kơnuk kơna Malaysia hơmâo pok pơhai truh kih hơdôm hơdră pơđĭ kyar bơwih ƀong huă, mơnuih mơnam, Khua mir sir đăo gơnang, Malaysia amra ngă tui truh kih akŏ bruă 5 thun tal 12 hăng hơdră bruă Malaysia Madini, djru lŏn ia pơđĭ kyar hơđong kjăp hăng pơdrong asah, hơmâo pran gơgrong hăng kơdrưh ang jai hrơi prong tui amăng kual hăng rŏng lŏn tơnah.

Dua čô khua hok mơ-ak pơtrut tơlơi rô nao rai amăng plang Ping gah, Kơnuk kơna; pơtrut ngă hrŏm ling tơhan, pơgang rơnuk rơnua, bơwih ƀong, sĭ mơdrô, tuh pơ alin, pơtô pơjuăt, tuai čuă ngui, gru grua, pơbưp nao rai mơnuih ƀon sang.