Amăng mông bưp, Khua mir sir pơsit tong, Việt Nam lăng yôm bruă pơtrut tơlơi rô nao rai giang mah ngă hrŏm hăng hơdôm boh dêh čar kual Ơi jŭ. Amăng anun hơmâo Bờ Biển Ngà pơsit lĕ sa amăng hơdôm boh dêh čar ngă gŏp yôm phăn. Dua bơnah đăo gơnang bruă kĭ pơkôl hăng pok pơhai ngă tui hră čih pioh ngă hrŏm kơplah wah dua Ƀirô Khua pơ ala mơnuih ƀon sang dêh čar amra pơgôp ngă dơlăm tui tơlơi rô nao rai giang mah hăng ngă hrŏm djop mơta kơplah wah dua boh dêh čar pơ anăp anai.

Dua čô khua tŭ ư pơtrut kơtang dong ngă hrŏm sĭ mơdrô tui jơlan gah hơđong kjăp hăng ngă gêh gal pok prong sĭ mơdrô kơplah wah dua bơnah kah hăng kual ASEAN hăng Ơi jŭ. Dua čô khua ăt pơsit tong kiăng đing nao pơtrut hăng pok prong ngă hrŏm amăng bruă ngă hmua, tuh pơ alin.