Ƀơi mông tŭ jum, Khua mir sir ơi Võ Văn Thưởng pơsit, dêh čar Việt Nam lêng kơ lăng yôm tơlơi rô nao rai ngă hrŏm abih bang pơtrut tui tơlơi ngă hrŏm Việt Nam - Nga jai hrơi dlăm hloh tŭ yua hloh, djơ̆ hăng tơlơi kiăng mơ̆ng dua djuai ania, yua kơ tơlơi rơnuk rơnua, hơđong kơjăp hăng pơđĭ kyar amăng kual wơ̆t hăng ƀơi rŏng lŏn tơnah.

Lăng yôm hơdôm boh than ngă hrŏm klă hiam mơ̆ng anom bruă phat kơđi dua boh dêh čar, Khua mir sir ơi Võ Văn Thưởng tŭ ư bruă dua anom bruă pơphun na nao bruă jơnum bơkơtuai; ngă hrŏm amăng bruă mă; pơtŏng glăi bruă hơmâo ngă rim thun hăng pơhrua tui hơdôm tơlơi ngă hrŏm phrâo jai hrơi sit nik hăng tŭ yua hloh. Khua mir sir đăo gơnang amăng hrơi blan pơ anăp anai, Sang phat kơđi dua bơnah ngă hrŏm hloh dơ̆ng; gum pơgôp kiăng pơđĭ kyar hloh, ăt kah hăng hruă kơjăp tơlơi rô nao rai ngă hrŏm kơplah wah dua boh dêh čar.