VOV4.Jarai-Amăng tal rai čuă jơmư sit nik Việt Nam mơ̆ng lơ 14-20/3, tui hăng tơlơi jak iâu mơ̆ng Khua mir sir ơi Nguyễn Xuân Phúc hăng bơnai ñu, mơguah lơ 15/3, Khua mir sir ơi Julius Maada Bio hăng bơni ñu hrom hăng khua mua dêh čar Sierra Leone nao dưm guang bơnga weh čuă pơsat jep Khua mir sir Hồ Chí Minh; dưm guang bơnga ƀơi gong kut h’ŭ kơ tơhan khin hơtai pơsăn drơi jăn kơ lŏn ia.

Tui hăng hơdră, Khua mir sir ơi Nguyễn Xuân Phúc hăng Khua mir sir ơi Julius Maada Bio amra bơkơtuai hrom, lăng bruă kĭ hră pơkôl ngă hrom dua bơnah dêh čar. Tŏ tui dơ̆ng, amra bơkơtuai hăng Khua dêh čar ơi Phạm Minh Chính, Khua git gai pơ ala mơnuih ƀôn sang dêh čar ơi Vương Đình Huệ. Tal rai čuă jơmư sit nik Việt Nam mơ̆ng Khua mir sir dêh čar Sierra Leone lĕ, bruă mă pơblih nao rai brơi khua mua apăn akŏ dêh čar dua bơnah čuă jơmư trư găn tơdruă blung a mơ̆ng dua bơnah dêh čar; laih dơ̆ng sa yak pơđĭ kyar hiam klă hăng phara phrâo dơ̆ng, mơ̆ng dua bơnah lơ̆m hơdôm dêh čar kual Ơi jŭ, amăng anun hơmâo dêh čar Sierra Leone lăng yôm bruă akŏ pơjing bruă găn rơgao nao rai hăng hơdôm dêh čar amăng kual ASIA-Thái Bình Dương, amăng anun hơmâo Việt Nam.

Nay Jek: Pơblang