Pơhiăp klah čun ƀơi mông jơnum, Khua mir sir ơi Tô Lâm bơni kơ Ding jum Bruă čar hơmâo jŭ yap, lăi pơthâo kơ bruă bơkơtưn mă bruă, apah bơni amăng dêh čar, yua kơ anun hơmâo pơkă tơhnal mă bruă bơkơtưn, apah bơni pơ anăp dơ̆ng. Khua mir sir lăi, lŏn ia ta jai hrơi pơđĭ kyar, boh tơhnal jai hrơi lu. Yua kơ anun, bruă bơkơtưn mă bruă apah bơni lĕ kiăng jŭ yap glăi djơ̆ hăng anŏ hơmâo, djơ̆ hăng bruă mă sit nik.

Tui hăng khua mir sir, hăng tơlơi phiăn pơkă, tơlơi pơtrun hơmâo laih samơ̆ lơ̆m pok pơhai ngă tui dŏ lu tơlơi gun hĭ kiăng pơsir, ming pơkra glăi, pơhrua nao hmao kru. Laih dơ̆ng ăt kơđiăng kơ bruă bơkơtưn hăng apah bơni khom lir hơbit amăng bruă hyu ĕp lăng, pơtrut pơsur; apah bơni hmao kru kơ hơdôm tơlơi pơčeh phrâo, gru mơnuih ngă bruă tơpă, hiam, apah bơni djơ̆ bruă, djơ̆ pô.