VOV4.Jarai - Tlam lơ 24/8, ƀơi sang bruă Khua mir sir, Khua mir sir ơi Nguyễn Xuân Phúc tŭ jum Grup khua pơ ala Khul hlăk ai, Ping gah Dân chủ Tự do Japan yua Khua pơ ala mơnuih ƀon sang gơnong yŭ Suzuki Norikazu hăng Khua pơ ala gơnong dlông Sato Kei, gum ngă Khua Khul hlăk ai ping gah Dân chủ Tự do Japan ngă Khua grup glăk rai mă bruă pơ dêh čar Việt Nam. Ƀơi mông bưp, Khua mir sir ơi Nguyễn Xuân Phúc lăng yôm hăng pơpŭ biă mă kơ ƀing khua pơ ala thun hlăk ai mơng Ping gah Dân chủ Tự do Japan hơmâo lu tơlơi hluh dlăm kơ gru grua, tơlơi ƀu-eng nao rai dua boh dêh čar.

Hrơi blan pơ anăp, Khua mir sir ơi Nguyễn Xuân Phúc kiăng Khul hlăk ai Ping gah Dân chủ Tự do Japan pơtrut tui tơlơi ngă hrŏm Việt Nam - Japan, biă ñu đăo gơnang nao rai amăng bruă kơđi čar, jơnum bơbưp khua mua prong djŏp gưl. Khua mir sir ơi Nguyễn Xuân Phúc kiăng Japan djru ba, ngă hrŏm hăng Việt Nam amăng lu bruă dong, rŭ glăi tơlơi bơwih ƀong tơdơi kơ klin ngă, biă ñu amăng bruă tuh pơ plai, sĭ mơdrô, prăk ODA rơnuk phrâo, pơčeh phrâo, pơplih mă yua mrô, pơplih mă yua mơtah.

Siu H’Mai: Pơblang