Bơni hơ-ơč mơak hrom ƀing khua anih jưh pơ ala rai mă bruă ƀơi Việt Nam, Khua mir sir lăi, hăng tơlơi thâo găn rơgao amăng bruă mă, tơlơi khăp pơpŭ kơ lŏn ia, mơnuih mơnam Việt Nam, tơlơi djru ba mơ̆ng djop sang bruă kơnuk kơna Việt Nam, ƀing khua anih jưh pơ ala amra ngă klă hiam bruă jao amăng sa rơwang bruă mơ̆ng pô. Tŭ jum khua anih jưh pơ ala hơdôm dêh čar pơlir hơbit Arab UAE, Khua mir sir ơi Võ Văn Thưởng lăi lĕ, dua boh dêh čar kiăng hơmâo hơdră tañ ba rơnoh prăk sĭ mơdrô dua bơnah đĭ truh 10 klai USD. Dua bơnah ăt kiăng kơtưn ngă hrom bruă kơđi čar, pơtom hiăp.

Tŭ jum khua anih jưh pơ ala dêh čar khua anih jưh pơ ala dêh čar Srilanka, Sajeewa Umanga Mendis, Khua mir sir ơi Võ Văn Thưởng lăi, Việt Nam lăng yôm bruă pơđĭ kyar giăng mah gru grua hăng ngă hrom lu mơta hăng dêh čar Srilanka. Dua bơnah ăt pơtrut ngă hrom bruă sĭ mơdrô, tuh pơ alin, kah pơpha  nao rai tơlơi thâo thăi amăng bruă lui rơmŏn kŏn rin, pơđĭ kyar ană mơnuih, pơtô hrăm, bruă ia jrao, gru grua hiam. Tŭ jum Khua anih jưh pơ ala dêh čar Chile, Khua mir sir ơi Võ Văn Thưởng hok mơak ƀuh bruă ngă hrom dua bơnah Việt Nam-Chile dưi pơđĭ tui, dua boh dêh čar pơtrut na nao kiăng pơđĭ tui hnong ngă pŭ ƀăn giăng mah pơ anăp adih.