VOV4.Jarai - Tlam lơ 25/8, ƀơi sang bruă Khua mir sir, Khua mir sir ơi Nguyễn Xuân Phúc tŭ jum ơi Choi Young-joo, khua hơđăp Khul ngă giăng  mah Hàn Quốc - Việt Nam, Khua Grup Panko Hàn Quốc. Ƀơi mông bưp, ơi Nguyễn Xuân Phúc lăng yôm biă Grup bơwih ƀong Panko pơtrut tuh pơ plai amăng dêh čar Việt Nam, laih dong lăng yôm ơi Choi Young-joo, Khua hơđăp Khul ngă giăng mah Hàn Quốc - Việt Nam, ñu lĕ Khua Grup Panko, hơmâo djru ba yôm biă kơ Việt Nam amăng bruă pơgang klin Covid-19.

Ơi Nguyễn Xuân Phúc tŭ jum ơi Choi Young-joo, Khua grup Panko Hàn Quốc.

Amăng hrơi blan klin kơtang ƀơi ƀon prong Hồ Chí Minh, ñu iâu pơthưr anom bơwih ƀong Hàn Quốc djru 1 klăk dolar Mi laih anun abih tih mrô prăk anai hơmâo mơ-it kơ ƀon prong Hồ Chí Minh pioh pơgang klin. Khua mir sir čang rơmang Grup bơwih ƀong Panko djru pơđĭ prăk pơhrui glăi mơng bruă sĭ mơdrô Việt Nam - Hàn Quốc tañ hơmâo 100 klai dolar Mi amăng hrơi blan pơ anăp.