VOV4.Jarai - Khua mir sir ơi Nguyễn Xuân Phúc phrâo hơmâo mông tŭ jum Khua pơ ala Kơdrưh kơ-ang Việt Nam ƀơi Thuỵ Sĩ Philipp Rosler hrŏm hăng khua mua anom bơwih ƀong Thụy Sĩ rai čuă Việt Nam, hyu ĕp tơlơi gêh gal ngă hrŏm sĭ mơdrô, tuh pơ plai kơplah wah Việt Nam hăng dua boh dêh čar Đức, Thuỵ Sĩ.

Khua mir sir tŭ jum Khua pơ ala Kơdrưh kơ-ang kơ Việt Nam ƀơi Thụy Sĩ.

Khua mir sir čang rơmang ơi Philipp Rosler dong yua hăng pơtrut tui dong tơlơi rô nao rai Ngă gŏp prong Việt Nam - Đức, tơlơi rô nao rai ngă hrŏm Việt Nam - Thụy Sĩ; iâu pơthưr anom bơwih ƀong dêh čar Đức, Thuỵ Sĩ hăng kual Mi Kô̆ pơtrut tui sĭ mơdrô ƀơi Việt Nam, biă ñu amăng bruă pơčeh phrâo boh thâo ia rơgơi, măi mok phrâo. Khua mir sir ăt kiăng ơi Philipp Rosler pơhiăp brơi, djru ba kiăng thuỵ Sĩ tañ kĭ pơkôl sĭ mơdrô rơngai kơplah wah Việt Nam hăng Khul EFTA.

Siu H’Mai: Pơblang