VOV4.Jarai - Tlam lơ 30/8, ƀơi sang bruă Khua mir sir, Khua mir sir ơi Nguyễn Xuân Phúc hơmâo tŭ jum ƀing tuai mơng jar kmar nao pơhmư̆ mông Jơnum khua mua Khul ia jrao kyâo bơrơkal mriah Việt Nam, yua ơi Jagannath Chapagain, Khua čih pioh Khul ia jrao kyâo bơrơkal mriah - Blan čơƀang mriah jar kmar ba jơlan. Khua mir sir ơi Nguyễn Xuân Phúc hok mơ-ak čơkă ơi Jagannath Chapagain hăng ƀing khua mơng jar kmar nao pơhmư̆ mông Jơnum tak 11 Khul ia jrao kyâo bơrơkal mriah Việt Nam.

Khua mir sir ơi Nguyễn Xuân Phúc bưp ƀing khua pơ ala jar kmar nao pơhmư̆ Jơnum khua mua Khul ia jrao kyâo bơrơkal mriah Việt Nam.

Khua mir sir lăng yôm biă kơ Khul, Jơnum min Ia jrao kyâo bơrơkal mriah jar kmar hăng ƀing gŏp ngă hrŏm jar kmar, hơmâo djru ba tŭ yua hăng Khul ia jrao kyâo bơrơkal mriah Việt Nam hăng mơnuih ƀon sang Việt Nam, biă ñu hăng ƀing ƀu hơmâo pô lăng ba, mơnuih bưp tơlơi truh amăng rơnuk blah ngă, tơlơi truh yua lŏn adai ngă, klin kheng phrâo rơgao. Khua mir sir ơi Nguyễn Xuân Phúc brơi thâo, Việt Nam glăm ba prong biă tơlơi răm rai yua adai pơplih, anun kiăng Khul anai hăng ƀing gŏp jar kmar djru ba ƀu mă glăi prăk hăng hơdôm jơlan hơdră, kơčăo bruă gah tơlơi anai, đah mơng djru ba mơnuih ƀon sang plai ƀiă tơnap tap, hơmâo tơlơi ƀu klă, laih dong pioh pơgang ba ayuh hyiăng, plai ƀiă hơmâo djah kơsu...

Siu H’Mai: Pơblang