Čuh ñang h’ŭ kơ ơi pơtao An Dương Vương, ƀing khua mua pơdah rai pran jua hơdor tơngia na nao kơ ƀing ơi yă đưm đă hơmâo akŏ pơdong lŏn ia hăng pơgang dêh čar, kiăng rơkâo bơngăt atâo ơi yă djru ba lŏn ia rơnuk ngă sang rơnang ngă hmua, brơi tơlơi mơak kơ ană plơi pla dêh čar. Cổ Loa lĕ anih anom gru đưm, plơi rơngôl sô djă pioh gru phun dêh čar jing gru grua yôm pơphăn kơ djuai ania Việt Nam. Găn rơgao hơdôm rơbâo thun akŏ pơdong hăng wai pơgang lŏn ia, Cổ Loa dŏ djă pioh, pơgang lui lu rơnoh yôm gru grua phun dêh čar, gru grua hiam ia rơgơi đưm đă mơ̆ng djuai ania.

Biă mă ñu amăng rơnuk phrâo akŏ pơdong lŏn ia, kual lŏn plơi rơngôl sô Cổ Loa djă pioh lu mơta tơlơi čih ră ruai gru phun hing ang, kơtang mơ̆ng ƀing mơnuih khin hơtai rơnuk Thục Phán An Dương Vương, pô tŏ tui ngă pơtao tơdơi kơ rơnuk ơi pơtao Hùng Vương, pô hơmâo pran prong akŏ pơdong lŏn ia anăn Âu Lạc. Ƀrô djơ̆ tal anai, Khua mir sir Võ Văn Thưởng hrŏm hăng khua mua pơ gơnong dlông hăng ƀôn prong Hà Nội hơmâo pla phun kyâo hơdor pioh ƀơi anih anom gru grua phun đưm plơi rơngôl sô Cổ Loa tơring glông Đông Anh.