VOV4.Jarai - Ƀrô tal hơdor glăi 111 thun hrơi Wa Hô đuăi nao pơ dêh čar tač rơngiao ĕp jơlan pơklaih rơngai lŏn ia, hơdor glăi 75 thun hrơi tơhan rơka, tơhan djai pơsăn drơi, mơguah (4/8), ƀơi Sang djă pioh gơnam yôm Hồ Chí Minh, Khua mua Gong phun jua pơhiăp dêh čar Việt Nam yua Ding kơna Ping gah dêh čar, Khua Gong phun jua pơhiăp dêh čar Việt Nam ơi Đỗ Tiến Sỹ ba jơlan hlâo nao tŭi ñang ƀơi pơsat dor tơhan djai pơsăn drơi ƀơi ƀon prong Hồ Chí Minh.

Amăng mông hơ-ŭ hơdor, Khua Gong phun jua pơhiăp dêh čar Việt Nam ơi Đỗ Tiến Sỹ hăng ƀing khua mua pơkŏn pioh mông hơ-ŭ hơdor hăng tŭi ñang pơdah pran pơpŭ bơni hơdôm tơlơi gum pơgôp prong prin mơng Khua mir sir - Mơnuih tuh rơyuh pran jua yua kơ mơnuih ƀon sang, yua kơ dêh čar, yua kơ bruă pơ pơklaih rơngai lŏn ia. Tơdơi kơ mông tŭi ñang pioh hơdor kơ Khua mir sir Hồ Chí Minh, ƀing khua mua hơmâo nao tŭi ñang ƀơi pơsat dor tơhan djai pơsăn drơi jăn ƀôn prong Hồ Chí Minh ƀơi kơčong čư̆ ƀu hơmâo anăn pơ plơi prong Thủ Đức, anih dor giăm 14.500 čô tơhan djai pơsăn drơi.

Siu Đoan: Pơblang