Amăng tơlơi pơpŭ mơ-it rai mơng Khua git gai bruă ngă hơkrŭ dêh čar Cuba, Khua tơhan krên dên Raul Castro Ruz hăng Khua git gai Ping gah Cộng sản tal sa dêh čar Cuba, Khua mir sir Cuba ơi Miguel Diaz-Canel Bermudez čih: “ Pơ ala brơi Khul apăn bruă Ping gah Cộng sản Cuba, ƀing gơmơi hơmâo mơ-it nao tơlơi pơpŭ abih pran jua lơm ơi Tô Lâm hơmâo ruah ngă Khua git gai Ping gah Cộng sản Việt Nam”.

Amăng tơlơi pơpŭ mơ-it rai mơng Khua git gai Ping gah mă bruă dêh čar Triều Tiên ơi Kim Jong Un ăt hơmâo čih tui anai “Hmư̆ hing ơi Tô Lâm ruah ngă Khua git gai Ping gah Cộng sản Việt Nam, kâo mơ-it tơlơi pơpŭ hiam klă hloh. Pơpŭ kơ Ping gah Cộng sản Việt Nam hăng abih bang mơnuih ƀôn sang Việt Nam, tui tơlơi git gai mơng ơi Tô Lâm amra pơđĭ kyar kơtang ƀiă dong amăng bruă pơjing dêh čar chủ nghĩa xã hội”. Amăng tơlơi pơpŭ mơ-it rai mơng Khua dêh čar Japan ơi Kishida Fumio hơmâo čih tui anai “Kâo pơpŭ tơlơi hiam klă hloh lơm ơi Tô Lâm hơmâo ruah ngă Khua git gai Ping gah Cộng sản Việt Nam…kâo đăo gơnang dêh čar Việt Nam amra pơđĭ kyar hơđong kjăp tui tơlơi git gai mơng ñu”.