Amăng hrơi blan rơgao, ƀơi să Lát, tơring glông Lạc Dương, tơring čar Lâm Đồng ƀuh bruă čan prăk mă kmlai lu, ngă bơngŏt amăng mơnuih mơnam hăng ngă lu sang anŏ rơngiă sang dŏ, lŏn hmua. Pơhmu tui lĕ yă Kơ Să Ka Thêm, dŏ amăng plơi Dă Nghịt, să Lát.
Yua kơ kiăng ječ yua amăng sang anŏ, anun yă Ka Thêm čan mơng sa čô mơnuih amăng ƀon lan hăng mrô prăk 270 klăk. Sit biă ñu jao ƀơi tơngan lĕ 170 klăk, mrô prăk dŏ glăi pô brơi čan jŭ yap amăng prăk duh kmlai. Laih dong, ñu ăt khŏm jao hră lŏn ia brơi pô brơi čan prăk. Mah tơdơi anun yă Ka Thêm čan prăk sang bruă prăk kiăng kơ tla glăi samơ̆ ăt ƀu abih hnưh đôm. Tơdơi anun, sang phat kơđi tơring glông Lạc Dương rơkâo pô anai tla pơhrua dong 4 klai prăk. Bruă anai hơmâo ơi Phạm S, Kơ-iăng Khua jơnum min mơnuih ƀôn sang dêh čar Lâm Đồng rơkâo kông ang ječ ameč pel ĕp ngă rơđah.
Viết bình luận