Khua mua khul pơ ala mơnuih ƀon sang tơring čar Dak Lak đing nao pơđĭ kyar kual mơnuih djuai ania ƀiă
Thứ sáu, 10:08, 14/07/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tŏ tui jơlan hơdră jơnum lok 6, khul pơ ala mơnuih ƀon sang tơring čar Dak Lak tal X, tom brơi (13/7) ƀing khua mua pơčrông sai hơdôm boh tơhnal yôm bơdjơ̆ nao bruă ngă tui hơdôm hơnong pơkă, bruă jao pơđĭ kyar bơwih ƀong-mơnuih mơnam, pơhlôm rơnuk rơnua thun 2023 hăng boh tơhnal amăng tơlơi pơtrun.
Hrŏm hăng hơdôm hơdră bruă kiăng đĭ pơhrui ngăn drăp kơnuk kơna, pơhưč tuh pơ alin, pơđĭ kyar man pơdong anih anom, ngă tui tơlơi gal, tơlơi dưi mơng rĭm boh ƀon lan, ƀing khua mua brơi thâo Dak Lak kiăng đing nao ƀiă dong hơdôm hơdră djru mơnuih djuai ania ƀiă, tơlơi đăo.
Amăng jơlan lok 6, Khul pơ ala mơnuih ƀon sang tơring čar Dak Lak tal X, ƀing khua mua ăt pioh mông pơčrông sai kơ bruă pơtrut bruă mơnuih mơnam amăng pơtô pơjuăt; dưm dăp mrô mơnuih apăn bruă lăp djơ̆ brơi kơ rĭm anom bruă, kơsem min, kơtưn hơdôm hơdră bruă kiăng tŏ tui hrưn đĭ ba glăi tŭ yua mơng jơlan hơdră man pơdong plơi pla phrâo; tŏ tui pơjing hơdôm gơnam tui OCOP hiam hơdjă mơng ƀon lan kiăng tŭ mă tŭ yua amăng sĭ mơdrô gơnam amăng lŏn ia hăng tač rơngiao.
Viết bình luận