VOV4.Jarai-Ƀrô hơdor glăi tal 132 thun Hrơi tơkeng kơ Khua mir sir Hồ Chí Minh lơ 19/5/1890-lơ 19/5/2022, mơguah lơ 19/5, Grup khua mua Ping gah, Kơnuk kơna hăng Jơnum min djop djuai ania mơnuih mơnam Việt Nam nao dưm guang bơnga, čuă pơsat jep Khua mir sir Hồ Chí Minh hăng čuh ñang h’ŭ kơ ƀing tơhan djai pơsăn drơi jăn kơ lŏn ia.

Ƀơi anăp bông atâo Khua mir sir  Hồ Chí Minh mơnuih hing ang, ƀing khua mua kơnuk kơna pơdah pran jua hơdor tơngia bơni prong, pran jua đăo kơnang, hơdor na nao kơ pran jua tuh rơyuh kơ bruă lŏn ia, djuai ania mơ̆ng Khua mir sir Hồ Chí Minh, pô hơkrŭ kiăng lŏn ia rơngai, djuai ania ta hơđong, akŏ pơdong dêh čar Việt Nam kiăo tui jơlan xã hội chủ nghiã.

Guang bơnga mơ̆ng grup khua mua dêh čar čih “Hơdor na nao kơ pran jua Khua mir sir Hồ Chí Minh mơnuih hing ang. Giong nao čuă pơsat jep Khua mir sir Hồ Chí Minh, Grup nao dưm guang bơnga hăng čuh ñang h’ŭ kơ ƀing tơhan djai pơsăn drơi jăn kơ lŏn ia ƀơi Gong kut jơlan Bắc Sơn. Guang bơnga mơ̆ng Grup hơmâo čih Hơdor na nao pran jua ƀing tơhan pơsăn drơi jăn kơ lŏn ia.

Nay Jek: Pơblang