VOV4.Jarai-Mơguah lơ 11/10, khua mua pơ ala mơnuih ƀôn sang ƀôn prong HCM tal X jơnum lok 7 pioh sem lăng, pơsit hơdôm boh yôm phun tui hăng tơlơi dưi, bruă mă ječ ameč hloh, pơtrut bruă pơđĭ kyar bơwih ƀong huă mơnuih mơnam thun 2022 hăng hơdôm thun tŏ tui dơ̆ng. Ƀơi mông jơnum anai, khua mua pơ ala mơnuih ƀôn sang ƀôn prong HCM pơgôp hiăp, pơčrông sai sem glăi hăng pơsit 12 pok hră pơtrun:

Ơi Bùi Xuân Cường Kơ-iăng Khua phrâo jơnum min mơnuih ƀôn sang ƀôn prong HCM

Jơlan hơdră yôm phara pioh djru prăk hrăm hră kơ čơđai sang hră gưl muai, čơđai sang hră djop gưl; pơkă glăi rơnoh prăk apah hrăm thun 2022-2023 hăng hơdôm thun tŏ tui amăng ƀôn prong; jơlan hơdră tuh pơ alin, pơsit čih pơkra glăi tuh pơ alin bruă čar; pơkă glăi akŏ bruă tuh pơ alin ƀiă thun mơ̆ng thun 2021-2025; pơkra glăi pơkă rơnoh prăk kơnuk kơna thun 2022. Ăt amăng mông jơnum anai mơ̆n, ƀing khua mua pơ ala ƀôn prong HCM ruah ơi Bùi Xuân Cường, Khua git gai jơlan rơdêh treng amăng ƀôn prong HCM ngă kơ-iăng khua jơnum min mơnuih ƀôn sang ƀôn prong, rơwang bruă thun 2021-2026.

Nay Jek: Pơblang