VOV4.Jarai - Tŏ tui jơlan hơdră jơnum lok 3, hrơi anai lơ 3/6, ƀing khua pơ ala mơnuih ƀon sang dêh čar bơkơtuai ƀơi grup mă bruă kơ Tơlơi phiăn ia jâo (pơplih pơkra). Kơčăo bruă Tơlơi phiăn ia jâo (pơplih pơkra) kiăng pơsir hĭ 6 mơta hơdră ngă bruă kah hăng: hơdôm tơlơi pơkă bơdjơ̆ nao hră ngă hrŏm bơwih ƀong gah ia jâo; kơ bruă hơduah ĕp, pơsit kơčăo bruă ia jâo mơng hrơi hyu ĕp hlung ia jâo truh khoer ia jâo; tơlơi pơkă không bruă pơkra ia jâo mơng hrơi hyu ĕp anih ia jâo, khoer, pơgiăng glăi hăng pơkra; laih dong djru brơi tuh pơ plai kơčăo bruă khoer ia jâo kiăo tui mrô ia jâo hơmâo pơkă hluai tui hră kĭ pơkôl blơi sĭ ia jâo. Tơlơi pơplih phrâo amăng tơlơi phiăn anai lĕ hơdră djru mă jia aset hăng anom bơwih ƀong 25% hăng rơnoh pơhrui glăi prăk tuh pơ plai lu biă mă ñu 80% hăng hơdôm lô ia jâo hơmâo djru tuh pơ plai phara hơjăn. Hăng hơdôm hơdră djru hơmâo ba pơƀuh kiăng pơkra glăi tal anai čang rơmang amra pơtrut tañ laih anun bruă hyu lăng, ĕp mrô ia jâo pioh pơkra, laih dong pơsir hĭ tơlơi truh ƀu klă amăng bruă hyu ĕp, mă yua ia jâo.

Siu H’Mai: Pơblang