Tui tŭ mă, lăi glăi tơlơi tơlơi pơgôp hiăp mơng Khua pơ ala mơnuih ƀôn sang dêh čar amăng jơnum hrơi tlâo hăng mơng mă tơlơi pơgôp hiăp mơng mơnuih ƀon sang, črăn tơlơi phiăn mơ-it jơnum tal anai arăng lăng pơplih tơhnal. Samơ̆, ăt dŏ hơmâo tơlơi pơmĭn phara hăng tơlơi pơkă amăng “Hơdră pơsit nua lŏn mơnai tui tơlơi pơkă hrŏm” hăng bruă duh prăk pơhrui glaiw lŏn, gum djru, man pơdong plơi pla phrâo lơm kơnuk kơna pơhrua glăi lŏn.

Lu khua mua brơi thâo, bruă pơsit nua lŏn mơnai dŏ lu glêh tơnap, gun găn, aka ƀu lăp djơ̆. Bruă pơsit nua lŏn mơnai jing bruă pơhlôm mă đôč, aka ƀu tong ten djơ̆ hăng rĭm kual lŏn. Sa kual lŏn, anih anom, jơlan glông gêh gal bơkơnar samơ̆ nua lŏn phara. Ƀing khua mua brơi thâo, črăn tơlơi phiăn aka ƀu pơsit anŏ răm rai lơm kơnuk kơna pơhrui glăi lŏn; bruă duh glăi aka ƀu pơsit tong, kơnong duh glăi lŏn, aka ƀu lăi nao akŏ răm rai gơnam amăng lŏn pơhrui glăi.