VOV4.Jarai - Amăng 2 hrơi mơng lơ 28 truh pơ lơ 29/3, Jơnum min apăn bruă Khua pơ ala mơnuih ƀon sang dêh čar pơphun Jơnum khua pơ ala mơnuih ƀon sang kiăng pơčrông sai 4 črăn tơlơi phiăn mơ-it Ƀirô Khua pơ ala mơnuih ƀon sang dêh čar  amăng jơnum lok 3, Khua pơ ala mơnuih ƀon sang dêh čar tal XV. Tui hăng hrơi mông pơkă, amăng lơ 28/3, ƀing khua mua pơčrông sai 2 črăn tơlơi phiăn: Tơlơi phiăn čih pơkra glăi, pơhrua sa, dua črăn amăng tơlơi phiăn wai lăng boh thâo pơčeh phrâo hăng tơlơi phiăn pơplông, pơpŭ bơni (čih pơkra glăi). Bơ črăn tơlơi phiăn pơdah pơkra phĭm (čih pơkra glăi) hăng tơlơi phiăn hră pơhlôm nua mơnuih mơnam (čih pơkra glăi) amra hơmâo pơčrông sai amăng lơ 29/3. Jơnum anai pơphun ƀơi anăp hăng lăng nao rai mơng ataih. Ƀing khua mua mơng gơnong glông hăng gah Grup khua mua pơ ala mơnuih ƀon sang ƀôn prong Hà Nội hơmâo nao jơnum hrŏm pơ sang jơnum Diên Hồng  Ƀirô Khua pơ ala mơnuih ƀon sang dêh čar. Anai lĕ bruă prap lui yôm phăn brơi kơ jơnum lok 3 Khua pơ ala mơnuih ƀon sang dêh čar tal XV him lăng amra pơphun amăng lơ 20/5/2022.

Siu Đoan: Pơblang