VOV4.Jarai-Lơ 11/7/2022, Khua anih jưh pơ ala dêh čar Japan ƀơi Việt Nam pok bah amăng sang bruă dưm hơdrôm hră čih pioh hning rơngôt kơ Khua hơđăp dêh čar Japan, ơi Shinzo Abe. Khua git gai Ping gah Việt Nam ơi Nguyễn Phú Trọng mơ-it guang bơnga jôk Khua hơđăp Ping gah Dân chủ Tự do, Khua hơđăp dêh čar Japan, ơi Shinzo Abe. Khua mir sir ơi Nguyễn Xuân Phúc hăng Khua dêh čar ơi Phạm Minh Chính pơ ala kơ ƀing khua mua kơnuk kơna Việt Nam nao jôk, čih pioh amăng hơdrôm hră h’ŭ dưm ƀơi sang bruă khua anih pơ ala Japan ƀơi Việt Nam.

Khua mua kơnuk kơna Việt Nam pơdah pran jua hning rơngôt hrom laih anun mơ-it hiăp juh alum prong prin mơ̆ng ping gah, kơnuk kơna laih anun mơnuih ƀôn sang Việt Nam truh pơ Ping gah Dân chủ Tự do, Kơnuk kơna, mơnuih ƀôn sang Japan laih anun sang anŏ ơi Khua hơđăp dêh čar Japan Shinzo Abe. Khua mua kơnuk kơna Việt Nam čang rơmang khua mua, mơnuih ƀôn sang Japan hăng sang anŏ rơgom ơi Shinzo Abe Khua hơđăp dêh čar Japan tañ găn rơgao hĭ tơlơi hning rơngôt, rơngiă rơngiom prong prin anai; čang rơmang dua bơnah dêh čar djă pioh hăng pơđĭ kyar tui tơlơi ngă giăng mah rô nao rai hiam klă Việt Nam-Japan.

Nay Jek: Pơblang