Ƀơi mông bưp anun, dua čô khua bơlăi nao rai, lăng yôm hăng ngă kjăp tui hloh tơlơi rô nao rai bơnha ngă hrŏm tong ten, tŭ ư ba bruă ngă pŭ ƀăn yôm phara plah wah Việt Nam-Prang đĭ nao amăng sa yak phrâo; pơtrut bruă ngă hrŏm laih anun pơblih nao rai khua mua pơ ala mơnuih ƀôn sang dua bơnah bưp hăng hrăm tơdruă tơlơi thâo thăi laih anun pơđĭ tui boh tơhnal tŭ yua hloh amăng bruă mă čih pơkra tơlơi phiăn dua bơnah.

Kơ tơlơi amăng kual, dua bơnah lăi pơtong, bruă pơhlôm tơlơi rơnuk rơnua, hơđong, mơak klă, rô nao rai amăng jơlan ia rơsĭ, jơlan rơdêh por, pơgang rơnuk rơnua hơđong pơsir tơlơi bơrơsua lĕ hăng tơlơi phiăn jar kmar, bưp nao rai rơnuk rơnua mơak, boh nik ñu khom ngă tui djơ̆ tơlơi pơkôl mơ̆ng Sang gum hơbit djop dêh čar kơ tơlơi phiăn ia rơsĭ thun 1982.