Ƀơi mông bưp, Khua ping gah, Khua mir sir ơi Tô Lâm pơsit, Việt Nam lăng yom biă tơlơi rô nao rai hăng Panama; lăng yom biă tơlơi gơgrong bruă mơ̆ng Panama jing anih pơtruh ƀat tô nao rai pơ ia rơsĭ, rơdêh por, djru prăp rơmet laih anun prăk kăk mơ̆ng kual. Khua ping gah, Khua mir sir ơi Tô Lâm đăo kơnang dua boh dêh čar amra mă yuaklă djŏp bruă dưi ngă hrŏm gah sĭ mơdrô, ngă hmua, ƀat tô nao rai pơ ia rơsĭ, rơdêh por, djru prăp rơmet, ba yua boh thâo mrô, pơtrut ngă hrŏm dua bơnah đĭ kyar jai hrơi sit nik, tŭ yua, hăng hơđong kjăp, yua gêh găl kơ dua bơnah mơn.

Khua mir sir ơi José Raúl Mulino pơsit, Panama lăng Việt Nam jing gŏp ngă hrŏm ƀơi kual ASIA - Thái Bình Dương, amra pơtruh brơi kiăng Việt Nam pok prong tơlơi rô nao rai hăng hơdôm boh dêh čar Mỹ Latinh. Dua bơnah ăt pơsit ngă hrŏm hloh gah bruă pơgang, pơkơdong glăi mơnuih ngă soh đuăi găn pơ dêh čar pơkŏn, ngă hrŏm amăng mông jơnum lu bơnah. Tơdơi kơ mông jơnum, dua čô khua dŏ lăng dua bơnah pơjao lu hră pơ-ar ngă hrŏm pơdŭ pơgiăng gơnam pơ ia rơsĭ, ƀat tô nao rai pơ ia rơsĭ, ngă hmua, čơkă tuai, rơdêh por, hăng pơtô hrăm.