Khua ping gah, Khua mir sir ơi Tô Lâm tŭ jum Khua apăn akŏ lŏn ia New Zealand
Thứ sáu, 15:08, 14/08/2026
VOV/Siu H'Mai pơblang
VOV/Siu H'Mai pơblang
VOV Mơguah kơnôl 13/8, tơdơi kơ mông čơkă jum kơdrưh ƀơi Sang bruă Khua pơ ala kơnuk kơna, ƀôn prong Auckland, New Zealand, Khua ping gah, Khua mir sir ơi Tô Lâm hơmâo bưp Khua apăn akŏ lŏn ia New Zealand, yă Dame Cindy Kiro.
Ƀơi mông bơbưp, dua bơnah tŭ ư ba tơlơi rô nao rai Gŏp ngă hrŏm prong hlom bom Việt Nam - New Zaland jing črăn phrâo tŭ yua hloh. Hăng bruă git gai tơlơi rô nao rai ASEAN - New Zealand rơwang thun 2024-2027, Khua ping gah, Khua mir sir ơi Tô Lâm pơsit Việt Nam amra gir abih pran jua ba tơlơi rô nao rai dua boh dêh čar jai dlăm, sit nik hloh dong.
Khua apăn akŏ lŏn ia New Zealand lăi pơtŏng, dua boh dêh čar ƀu kơnong hơmâo lu tơlơi gêh găl či ngă hrŏm dua bơnah đôč ôh, wơ̆t amăng hơdôm bruă bơdjơ̆ nao lu bơnah. Dua bơnah bơ tŭ ư nga hrŏm hăng dong nao rai tơdruă ƀơi hơdôm mông jơnum lu dêh čar, pơjing rai anih hơdip rơnuk rơnua, hơđong, ngă hrŏm laih anun đĭ kyar ƀơi kual ăt kah hăng ƀơi rŏng lŏn tơnah./.
Viết bình luận