Khua ping gah, Khua mir sir ơi Tô Lâm lăi pơtong, Việt Nam lăng yom na nao đôč hăng pơpŭ biă mă kơ bruă ngă kơjăp tui, pơđĭ kyar rô nao rai giăng mah pŭ ƀăn hăng dêh čar Lao, dong yua kơtang, hlom bom amăng bruă pơblih phrâo dêh čar Lao.

Khua ping gah, khua mir sir ơi Tô Lâm rơkâo dua bơnah ping gah, dua bơnah kơnuk kơna kiăng hơdai gum hrŏm tong ten, rơđah rơđong hloh pok pơhai ngă tui djop mơta hră pơkôl mơ̆ng khua mua pơprong dua bơnah, pơtrut boh tŭ yua ngă hrŏm, bơwih ƀong huă-sĭ mơdrô hăng lu jơlan hơdră, ring bruă tui hluai anŏ gêh găl, tơlơi či kiăng mơ̆ng dua bơnah, kiăng pơđĭ kyar hrŏm hơbit. Dua bơnah sang bruă khua pơ ala mơnuih ƀôn sang dêh čar, kiăng kơtưn pơčrong sai, kah pơpha tơlơi thâo thăi, pơđĭ tui boh tŭ yua ngă bruă mơ̆ng djop sang bruă, kiăng pơhlom brơi abih bang jơlan hơdră, tơlơi pơtrun ngă hrŏm dua bơnah ping gah, kơnuk kơna dưi ngă pơrơđah hloh pok pơhai tŭ yua.