Hrŏm hăng hơdôm tơlơi bơdjơ̆ nao pơđĭ kyar bơwih ƀong – mơnuih mơnam, rơnuk rơnua plơi pla lŏn ia mơ̆ng tơring čar, tơlơi klă amăng pơtô pơhrăm hăng pơpha jơlan gah kơ čơđai hrăm tơdơi kơ mă ƀăng gưl 2 dưi hmâo ƀing khua pơ ala lăi nao lu hloh. Ƀơi anăp tơlơi anai, bôh tơhnal tal pơhlông anih 10, thun hrăm 2024-2025 ƀơi Dak Lak ƀiă biă, lu khua pơ ala brơi thâo mơnuih pơ ala kơ mơnuih ƀôn sang pơdah pran jua bơngot kơ anô̆ kơjăp bruă pơtô pơhrăm ră anai.
Hrŏm hăng anun, bruă pơpha jơlan gah kơ čơđai sang hră tơdơi kơ mă ƀăng gưl 2 tui akô̆ bruă “Pơtô pơhrăm anăp bruă hăng pơsit jơlan gah pơpha jơlan gah kơ čơđai amăng pơtô pơhrăm rơwang 2018-2025” ƀơi tơring čar glăk hmâo lu tơlơi akă gal. Amăng mông bơkơtuai, ƀing khua pơ ala Khua khul pơ ala mơnuih ƀôn sang tơring čar Dak Lak ăt gum pơhiăp lu mơn, ba tơbiă lu jơlan gah pioh pơđĭ tui anô̆ kơjăp bruă pơtô pơhrăm mơ̆ng tơring čar pơ̆ anăp anai. Biă ñu hơdôm hơdră bruă gum djru čơđai sang hră kual tơnap tap, kual neh wa djuai ania ƀiă dô̆./.
Viết bình luận